Concurso de guións contra a violencia de xénero da Deputación da Coruña

Google+ Pinterest LinkedIn Tumblr +

A Deputación da Coruña convoca ao VI Concurso de Guións Contra a Violencia de Xénero. O obxecto do certame é elaborar un guión de curtametraxe a través do cal se xere reflexión, conciencia, sensibilización, identificación e prevención da violencia económica como forma de control e dominación.

Preténdese que a través da elaboración do guión a poboación adolescente cree debate, mobilización, fomente a súa creatividade mentres reflexionan sobre a violencia económica que inclúe a limitación ou privación intencionada e non xustificada de recursos para o benestar físico ou psicolóxico das mulleres e dos seus fillos e fillas ou persoas que delas dependen, reflexionen sobre a prohibición para traballar de forma remunerada, ameazas continuadas sobre aspectos económicos, discriminación no emprego e acceso aos recursos ou bens materiais compartidos no ámbito da convivencia ou sobre a fenda salarial existente na sociedade onde as mulleres perciben menores ingresos por iguais traballos ou peores condicións laborais.

Poderán participar todas as persoas físicas con idades comprendidas entre 12 e 18 anos, que cursen educación secundaria obrigatoria, bacharelato, formación profesional ou outro tipo de formación análoga. A convocatoria tramitarase de xeito telemático, a través da plataforma de tramitación electrónica da Deputación (SUBTEL) e será o centro o encargado de presentar a candidatura.

Prazo de presentación: 11 de decembro ás 14h.

Pódense consultar as bases completas no BOP nº 211 do 6 de novembro de 2019.

Web www.dacoruna.gal:  https://www.dacoruna.gal/servizos-sociais/area-igualdade/premios-e-concursos/concurso-guions-contra-violencia-xenero

Bases:http://bop.dacoruna.gal/bopportal/ultimoBoletin.do;jsessionid=087C990FC917BF5F5BFEF912F4380A66 8

Share.

Comments are closed.