Mércores, Novembro 25

Comezan os traballos de reparación de camiños con cargo ao POS+ 2020

Google+ Pinterest LinkedIn Tumblr +

O Concello de Cabanas, a través da área de infraestruturas, anuncia que no día de onte comezaron os traballos de reparación de camiños financiadas co Plan de Obras e Servizos (POS+ 2020) da Deputación da Coruña, cun importe de execución de 74.537,32 €.

Nesta actuación mellorarase o firme do camiño entre Lavandeira e Xicos, ademais de Barreiras e a Travesía da Barrosa. Ademais, nos próximos días adxudicaranse as obras do POS+ 2019 Adicional, coas que se repararán o Camiño do Río e Camiño do Muíño. Neste último, ampliarase a reparación con fondos propios Municipais para poder completar a execución da obra até o cruzamento co Camiño do Batán.

A concelleira de infraestruturas, Concepción Rodríguez, destacou o esforzo realizado desde a área para “ir mellorando o estado dos camiños, tanto con traballos de reparación do firme como eliminando fochancas en varios viais municipais”.

Desde o Concello de Cabanas pedimos disculpas polas molestias que poidan causar estes traballos.

Share.