Cabanas celebra este sábado a Regata de Inverno de Piragüismo

Google+ Pinterest LinkedIn Tumblr +
 O Concello de Cabanas organiza este sábado 8 de de febreiro, en colaboración co Club KDM e a Federación Galega de Piragüísmo a “Regata de inverno amigable Concello de Cabanas”.
O alcalde e responsábel da área de deportes, Carlos Ladra, estima a presenza de 500 padeeiros de todas as categorías. “Trátase do primeiro evento deportivo de 2020 organizado polo Concello, que atraerá unha gran cantidade asistentes e xera un pico de traballo moi valorado polo comercio e hostelaría locais”, engadiu.
A regata comezará ás 12 da mañá na zona de paseo situado no Día Oito, entre a ponte de pedra e a da autoestrada. Para a realización de evento contarase cunha carpa, onde as persoas participantes poderán xantar unha vez rematada a regata, e un despregamento especial de Protección Civil de toda a comarca para garantir a seguridade e a organización do evento.
Así mesmo, o Concello de Cabanas cederá o salón de plenos para a celebración da Asemblea Ordinaria da Federación Galega de Piragüismo.
Share.