Inicio

Conclúe a instalación da nova pasarela peonil no piñeiral da Madalena
  • Venres, 05 Xaneiro 2018

Substitúe á anterior, moi deteriorada, e facilitará o acceso á praia e paseo polo piñeiral salvagardando a flora da zona

Cabanas, 5 de xaneiro de 2017. O Concello de Cabanas informou esta mañá do remate dos traballos de instalación da nova pasarela peonil no piñeiral da Madalena. Unha infraestrutura que substitúe á anterior, moi deteriorada polo seu uso e ubicación. Os traballos correron por conta da Dirección Xeral de Patrimonio Natural.

As súas Maxestades os Reis Magos visitarán Cabanas este venres e sábado
  • Mércores, 03 Xaneiro 2018

Realizarán un percorrido por todo o municipio o venres e, o sábado, repartirán agasallos no pavillón de Lavandeira e no local social de Laraxe

Cabanas, 3 de xaneiro de 2018. As súas Maxestades os Reis Magos de Oriente visitarán o municipio por partida dobre. Será este venres e sábado, en sendas actividades organizadas pola ACR Cabalgata de Reyes de Cabanas, en colaboración co Concello.

O Concello de Cabanas promove un curso de defensa persoal para mulleres
  • Martes, 02 Xaneiro 2018

As persoas interesadas en participar deben apuntarse na consistorial

Cabanas, 2 de xaneiro de 2018. O Concello de Cabanas, a través da Concellería de Cultura e Deportes, promove un curso de defensa persoal dirixido ás mulleres do municipio. Celebrarase o vindeiro 20 de xaneiro, de 11 a 13 horas, e terá por escenario o soto do CEIP Eladia Mariño. A participación é completamente gratuíta, aínda que se require de inscrición previa.

O Concello asina os convenios coas xuntas directivas dos cemiterios veciñais
  • Mércores, 27 Decembro 2017

Destinará preto de 2.500 euros para o mantenemento das instalacións

Cabanas, 27 de decembro de 2017. O alcalde, Germán Castrillón, e os presidentes dos cemiterios veciñais do “Dato” de Laraxe, Eudosia Loureiro, e do Peteiro, en Cabanas, Angel Torreiglesias, suscribiron sendos convenios de colaboración. A través dos mesmos, o Concello de Cabanas contribuirá ós gastos de mantenemento e conservación dos camposantos, así como á realización dalgúns dos arranxos puntuais que precisan as instalacións.

Páxinas