Deportes

O Concello de Cabanas abre a inscrición para participar na ruta Irís-Valedoso
  • Martes, 16 Abril 2019

Terá lugar o sábado 27 de abril, guiada e gratuíta

Cabanas, 16 de abril de 2019. O Concello de Cabanas vén de abrir o prazo de inscrición para tomar parte nunha nova ruta de sendeirismo. Nesta ocasión, celebrarase o sábado 27 de abril e cubrirá os lugares de Irís e Valedoso. Aínda que é gratuíta, precísase de inscrición previa e debe formalizarse, antes do día 25, no departamento municipal de Deportes (cultura@cabanas.gal; teléfono 981 49 59 59 ext 3 ou de forma presencial na pranta baixa da casa consistorial).

O Concello convida á veciñanza a realizar a Ruta nocturna dos Petroglifos en Cabanas
  • Martes, 12 Marzo 2019

A Concellería de Deportes vén de abrir a inscrición nesta nova ruta, que se celebrará o vindeiro 23 de marzo con participación gratuíta

Cabanas, 12 de marzo de 2019. O Concello de Cabanas, a través da Concellería de Deportes, continúa co calendario de rutas mensuais de sendeirismo para dar a coñecer o rico patrimonio natural e etnográfico da localidade. Nesta ocasión, propón a Ruta dos Petroglifos para o vindeiro 23 de marzo.

O Concello pecha este xoves a inscrición na ruta de sendeirismo polas Fragas do Eume
  • Mércores, 20 Febreiro 2019

Trátase dunha ruta circular pola parroquia de Soaserra a través das Fragas, con 8 kms e dificultade moderada, guiada e con participación gratuíta

Cabanas, 20 de febreiro de 2019. Última oportunidade para apuntarse na ruta de sendeirismo que o Concello de Cabanas organiza este sábado polas Fragas do Eume. Guiada e gratuíta, precisa de inscrición previa e o prazo péchase mañá xoves. Debe formalizarse a través do teléfono 981 49 59 59 ext.3 ou enviando un correo a deportes.cabanas@gmail.com

Seleccións de todos os exércitos disputarán no piñeiral de Cabanas o 47º Campionato Nacional Militar de Campo a Través
  • Venres, 01 Febreiro 2019

A cita deportiva estatal celebrarase a vindeira semana

Cabanas, 1 de febreiro de 2019. O piñeiral da Madalena acollerá durante a semana do 4 ao 8 de febreiro o 47º Campionato Nacional Militar de Campo a Través, no que tomarán parte atletas pertencentes ás seleccións de todos os exércitos: Exército de Terra, Exército do Aire, Garda Civil, Garda Real, Unidade Militar de Emerxencias, Órgano Central e Armada. Na cita colabora o Concello.

Páxinas