Inicio

Cabanas confirma o primeiro caso por coronavirus COVID-19
  • Martes, 31 Marzo 2020

Esta mañá as autoridades sanitarias comunicaron ao Concello de Cabanas o primeiro caso positivo por coronavirus COVID-19 no noso municipio.

Dentro das competencias municipais, o Concello de Cabanas está a levar a cabo tarefas especiais de limpeza e desinfección en zonas de tránsito de persoas, así como tamén nos arredores dos establecementos que permanecen abertos durante a duración do estado de alarma. Estes traballos estanos a facer persoal municipal, cos correspondentes EPIs, e maquinaria industrial alugada especificamente para facer fronte a esta crise.

Cabanas completa a primeira revisión do trampeo da velutina
  • Venres, 27 Marzo 2020

Esta semana realizouse a primeira revisión e reposición de atraínte nas trampas colocadas polo Concello de Cabanas en todas as parroquias do termo municipal de Cabanas.

A concelleira responsábel da área de servizos, Eva García, valorou positivamente esta primeira revisión "nesta primeira fase obtívéronse moi bos resultados, cun total de 298 raíñas capturadas"

Cabanas inicia as labores de desinfección nas áreas de maior afluencia de poboación
  • Martes, 24 Marzo 2020

O Concello de Cabanas vén de anunciar a posta en marcha dun programa de desinfección en todos os edificios de maior afluencia de poboación dentro do termo municipal.
 
Ademais das instalacións de servizos, como a propia Casa do Concello ou o Centro de Saúde, estes traballos de desinfección tamén se levarán a cabo nos establecementos comerciais que permanecen abertos durante o estado de alarma (farmacia, estancos, supermercados, panaderías...), así como en mobiliario urbano, como as marquesinas.
 

Plan de axuda pola situación de alerta
  • Martes, 17 Marzo 2020

Activamos un plan durante o tempo que dure o estado de alarma para achegar medicinas ou alimentos de primeira necesidade destinado ás persoas que teñan dificultades de movemento, especialmente maiores que vivan soas.

Información nos teléfonos 674 258 970 (Servizos Sociais, horario de 9 a 14h) ou no 687 048 928 (Protección Civil)

Cabanas amplía as medidas de prevención polo coronavirus
  • Venres, 13 Marzo 2020

Logo da comparecencia realizada polo Presidente do Goberno do Estado a primeira hora desta tarde, na que se anunciou a declaración do Estado de Alarma, e tras ter detectada a chegada de numerosos visitantes desde comunidades cun alto número de casos por COVID-19, o goberno de Cabanas vén de publicar un novo decreto que actualiza o bando emitido na mañá de onte.
 

Cabanas suspende as actividades en prevención ao coronavirus
  • Xoves, 12 Marzo 2020

O Concello de Cabanas informa da suspensión temporal das actividades culturais, deportivas e de servizos sociais organizadas polo Concello a partir do venres 13 de marzo e durante os vindeiros 15 días, condicionados á evolución da situación, para contribuír á prevención da expansión do coronavirus.

Cabanas inicia unha nova campaña de rozas nos camiños municipais
  • Martes, 10 Marzo 2020

O Concello de Cabanas informa de que esta semana comezaron os traballos de roza nas marxes das pistas e camiños municipais, uns traballos que se estenderán ao longo das próximas semanas.
 
“Darase prioridade aos camiños con maior tráfico rodado e as súas vías anexas”, sinalou a concelleira de servizos, Eva García, quen explicou que se levou a cabo unha planificación dos traballos “tendo en conta as zonas de maior crecemento de vexetación”.
 

Páxinas