Inicio

Cabanas súmase ao manifesto “Cooperación contra o coronavirus”
  • Luns, 01 Xuño 2020

O Concello de Cabanas, xunto con outros catorce concellos galegos, aprobaron o manifesto “Cooperación contra o coronavirus”, que promove no eido estatal a Confederación de Fondos de Cooperación y Solidariedad, da que forman parte novo fondos que representan a máis de 1.300 administracións locais, entre eles o Fondo Galego de Cooperación e Solidariedade.
 

Boletín de ofertas de emprego elaborado polo Servizo de Orientación Laboral
  • Sábado, 30 Maio 2020

Compartimos o boletín de ofertas de emprego elaborado polo Servizo de Orientación Laboral da semana do 22 ao 29 de maio.

Neste número tamén se inclúen os enlaces de interese para solicitar prestacións durante o Estado de Alarma e o paquete de medidas urxentes e complementarias para autónomos e PEMES

Cabanas convoca unha praza de persoal técnico de turismo
  • Sábado, 30 Maio 2020

O Concello de Cabanas vén de abrir a convocatoria para a selección dunha persoa para a praza de persoal técnico de turismo, para o servizo de promoción turística do concello, na Oficina de Información situada no Parque do Areal.

Tal e como figura na convocatoria, publicada no BOP do venres 29 de maio, que se pode descargar ao final deste mesmo artigo, poden optar á praza as persoas con titulacións vencelladas á área, como os graos de Turismo, Humanidades, Xeografía ou Historia da Arte, entre outras. As persoas interesadas deben presentar as solicitudes ata o día 5 de xuño.

Apertura do prazo de inscrición no Punto de Atención á Infancia para o curso 2020/2021
  • Venres, 29 Maio 2020

O Concello de Cabanas informa de que o próximo luns, 1 de xuño, abre o prazo de inscrición do Punto de Atención á Infancia (PAI) “As Viñas” de Cabanas para o curso 2020-2021.

As solicitudes poden tramitarse de maneira preferente pola Sede Electrónica do Concello de Cabanas ou, no seu defecto, no Rexistro municipal. En calquera dos casos, a solicitude debe estar acompañada do DNI das persoas solicitantes, libro de familia, declaración da renda do ano 2018 e unha nómina ou documento xustificativo de figurar en activo.

Cabanas aproba a creación dunha praia canina
  • Xoves, 28 Maio 2020

O Concello de Cabanas aprobou onte no pleno, cos votos a favor dos grupos de goberno, a creación dunha praia canina, unha medida que responde a unha das maiores reivindicacións das usuarias e usuarios das praias para a mellora da convivencia durante os meses de verán.

Xornada telemática de ioga en familia
  • Mércores, 27 Maio 2020

O próximo sábado 30 de maio convidámosvos a embarcar nunha travesía familiar moi divertida: unha sesión de ioga online!

Nesta sesión aprenderemos a cooperar para remar todas e todos cara a mesma dirección, e a centrar a nosa atención co fin de atravesar tormentas emocionais e poder chegar a ese mar en calma que todas e todos desexamos.

Para participar non é preciso ter experiencia no ioga, tan só ter ganas de compartir en familia, coñecérmonos e disfrutar.

Páxinas